Артыкулы

Пялёсткі сакуры змываюцца дажджом з брукаванкі. Праяжджала дрэва дзьве вуліцы таму, значыць, лье як мае быць, хоць і ня так чутна праз шкло кавярні. Як жа своечасова перапынак зрабіла. Матацыкл прыпаркавала пад намётам, стаіць там ды зьзяе сьвежай ружовай фарбай зь бліскучымі налепкамі айдалаў. Бо як жа бяз свагі. Мне падносяць паўлітровы кубак латэ з салёнай карамельлю. Барыста намаляваў на пенцы эмблему майго двухколавага. Вар’ят, але дзякую яму са шчырай усьмешкай. ...

Хлопец зь дзяўчынай сядзяць у спальні на ложку, павольна цалуюцца і скідваюць вопратку. Музыка з вуліцы глушыць іхнае цяжкае дыханьне. А я гляджу на гэта з шафы ды думаю пра тое, як апісваць сэкс, каб было рэалістычна ды ня сорамна. Я трохі паднакідаўся на гэтай вечарынцы ды шукаў незаняты пакой у маёнтку, дзе б можна было пару хвілін пасядзець спакойна ды вярнуцца да танцаў ля басэйну. Але гэтая парачка раптоўна заварушылася ў дзьвярах, а я нічога лепшага не прыдумаў, як прыкінуцца сукенкай. Пашанцавала, што там месца хапіла. ...

Безназоўны. Безьзямельны. Бязглузды. Тэлефон на бязгучным быццам тыкае тварам вобземлю. Сёмая раніцы, субота. Зноў заседзеўся запозна. Сон адмаўляецца канчацца, працягвае трымаць мяне ў ліпкіх лапах. Я магу толькі рэфлекторна выключыць будзільнік ды зноў праваліцца ў агідныя фантазіі супраць маёй волі. Да вар’яцтва нуднае відовішча трымае мяне, як багна. Але ж прачнуцца не магу. А сон толькі зьдзекліва булькаціць ды накрывае мазгі атрутнымі газамі. Трасца. Атрымалася расплюшчыць адно вока ды зірнуць на гадзіньнік. Лічбы выклікаюць боль. Калі гэта лімб, то й пекла не патрэбнае. ...

Не магу спыніцца, каб перавесьці дых. Колькі гадоў я заганяў таго ваўкалака, а сёньня пашанцавала. Пачвара трапіла ў пастку, ды я параніў яе стрэлам. Бачу праз прыцэл, як кульгае. Усё спрабавалі супраць яго. Сабакамі травілі, дык сабакаў забіваў. Сьцяжкі вешалі па лесе – празь іх скакаў як нічога ніякага. Зь верталёту спрабавалі высачыць, але таксама не даваўся, раптоўна хаваўся кудысь ды ўсё. А цяпер во, нібы ў жарт, у пастку на мядзьведзя зайшоў, якую хтосьці іншы паставіў раней. ...

Неба ўжо прасьвятлела, пакуль мы ўцякалі ад расейскае папсы праз бары ў цэнтры ды апынуліся ў… – Дык а дзе мы, дакладна? – Похуй? Ты запальваеш цыгарэту запалкамі, як паэтэса. Ахоўнік крычыць пра забарону, але я адганяю яго пустой бутэлькай. Відаць, ніколі ня бачыў Dom Pérignon, адразу адчапляецца. З усіх бакоў розныя біты б’юць па рэбрах. У галаве свой рэйв наогул. Барвумэн выцірае назву кактэйлю з дошкі ля стойкі, маўляў, сконьчыліся. Ружа, набітая на ейнай руцэ, падаецца мне сапраўднай. ...

Я гляджу на сьляды ад стратэгічных ядзерных ракет у небе. Ня ведаю, ці гэта сон, ці яны сапраўды пакідаюць за сабой белыя хвасты, як самалёты. Я павінен ужо быць мёртвым. Дакладна ведаю, што першыя ракеты ўжо даляцелі. Сталіцы больш няма, варожай – таксама. Гэта апошняе, што перадалі па радыё перад тым, як усе электрычныя прыстасаваньні згарэлі. Чаму я яшчэ жывы? Як гэта магчыма? Не, гэта мяне ўжо не хвалюе. Безь яе не мае сэнсу працягваць жыць. ...

Асноўныя тэзісы Валютчык (“Прыкладанне”) распрацоўваецца ды падтрымліваецца адным разпрацоўшчыкам. Палітыка канфідэнцыяльнасці (“Палітыка”) апісвае спосабы атрымання, карыстання и раскрыцця карыстальніцкіх дадзеных. Карыстуючыся Прыкладаннем, Вы згаджаецеся з тым, што вашыя карыстальніцкія дадзеные будуць апрацаваны згодна з гэтай Палітыкай. Інфармацыя, якая збіраецца Прыкладанне запрашае інфармацыю пра прыблізнае месцазнаходжанне карыстальніка, паводле выдадзенага карыстальнікам дазвола перад першым карыстаннем Прыкладання, для вызначэння правільных курсаў валют для дадзенага месцазнаходжання. Інфармацыя пра месцазнаходжанне не захоўваецца лакальна, але адпраўляецца на апрацоўку да Mapbox Inc., трэццяй стараны, якая прапаноўвае сэрвіс па апрацоўке месцазнаходжання у назву горада. Карыстанне дадзеных кампаніяй Mapbox Inc. падпадае пад іхнія правілы аказання паслуг ды палітыку канфідэнцыяльнасці. Вы можаце дазволіць ці абмежаваць досціп да дадзеных аб месцазнаходжанні праз налады вашай прылады. ...